5 ліпеня адбудуцца паэтычныя чытанні “Беларускія паэты вяртаюцца на Звярынец”

5 ліпеня 2021 г. – у панядзелак – пад эгідай міжнароднага фестывалю паэзіі “Poezijos pavasaris 2021“ (“Вясна паэзіі 2021”), які штогод арганізоўваецца Саюзам пісьменнікаў Літвы і Клубам пісьменнікаў, у скверы Мілды на Звярынцы (на рагу вуліц Kęstučio i Liubarto) адбудуцца паэтычныя чытанні пад назвай „Baltarusių poetai grįžta į Žvėryną“ (“Беларускія паэты вяртаюцца на Звярынец”). Чытаць далей «5 ліпеня адбудуцца паэтычныя чытанні “Беларускія паэты вяртаюцца на Звярынец”»

«Сябрына» запрашае на святкаванне Мядовага Спаса і Зельнай

Да ведама наведвальнікаў нашае старонкі паведамляем, што ў нядзелю – 16-га жніўня 2020 г. – пад дахам Віленскай гімназіі імя Францішка Скарыны (Sietyno g. 21, Vilnius, autobusų/troleibusų stotelė „Karoliniškės“) мае адбыцца першае ў гісторыі клуба святкаванне Мядовага Спаса і Зельнай, падчас якога Вы зможаце азнаёміцца з гісторыяй узнікнення гэтых святаў, існуючымі звычаямі ды традыцыямі, даведаецеся шмат цікавага і незвычайнага. Як пра лекавыя травы, так і пра прадукты пчалярства. Зможаце паласавацца свежай, настоенай на мясцовых травах (зёлках) духмянай гарбатай з мёдам, прасякнуцца жыццёвай энергіяй і добрым настроем. 

А дапамогуць нам у гэтым вядомая ў Літве траўніца, былая настаўніца і дырэктарка гімназіі Галіна Сівалава і пчаляр Барыс Шандроха.

Пачатак а 13:00 гадзіне.

Больш падрабязную інфармацыю можна атрымаць па тэлефоне: +370 635 99979

Шчыра запрашаем!

Музей беларускага кнігадрукавання ў Полацку запрашае да ўдзелу ў круглым стале

10 верасня 2020 г. Музей беларускага кнігадрукавання ў Полацку  арганізоўвае круглы стол «Камунікатыўныя практыкі актуалізацыі помнікаў кніжнай культуры», прымеркаваны да 30-годдзя музея.

Мерапрыемства пройдзе ў ЗАВОЧНЫМ фармаце. Навуковыя артыкулы ўдзельнікаў круглага стала будуць апублікаваны на афіцыйным сайце Нацыянальнага Полацкага гісторыка-культурнага музея запаведніка. Чытаць далей «Музей беларускага кнігадрукавання ў Полацку запрашае да ўдзелу ў круглым стале»

Клуб “Сябрына” запрашае на Купалле

Віленскі гарадскі Беларускі клуб “Сябрына” запрашае ўсіх жадаючых адсвяткаваць разам Купалле. Збор 27 чэрвеня а 15:00 за другім Валакампяйскім пляжам (там жа, дзе і ў мінулым годзе).  Чытаць далей «Клуб “Сябрына” запрашае на Купалле»

Мерапрыемствы з нагоды 500-х угодкаў Францішка Скарыны

З нагоды 500-х угодкаў беларускага першадрукара, гуманіста і асветніка Францішка Скарыны і 500-годдзя беларускага кнігадрукавання мы ў чарговы раз ладзім цыкл мерапрыемстваў, прысвечаных гэтай круглай даце, якія адбудуцца 15-17 лістапада. Чытаць далей «Мерапрыемствы з нагоды 500-х угодкаў Францішка Скарыны»

Прэзентацыя кніжкі Ванды Марцінш душ Рэйш “Плод авакада”

Да ведама аматараў прыгожага пісьменства паведамляем, што ў суботу – 26
кастрычніка – у Доме нацыянальных аб’яднанняў (Raugyklos g. 25, Vilnius) адбудзецца прэзентацыя кніжкі Ванды Марцінш душ Рэйш “Плод авакада”, якая выйшла нядаўна ў Вільні ў выдавецтве беларусаў Літвы “Рунь”.

Пачатак а 15.00.
Чытаць далей «Прэзентацыя кніжкі Ванды Марцінш душ Рэйш “Плод авакада”»

Запрашаем на Купалле!

Шаноўнае спадарства!

Калі Вы яшчэ не вырашылі, дзе і як адсвяткаваць у Вільні традыцыйнае беларускае народнае, авеянае легендамі і паданнямі і прысвечанае летняму сонцастаянню Купалле, далучайцеся да нас – мы ладзім яго ў суботу (29 чэрвеня) адразу ж за другім Валакампяйскім пляжам на левым беразе Віліі (Neris).
Праезд аўтобусам № 15 (ад прыпынку „Antakalnis“ да прыпынку „Antrasis paplūdimys“).
Пачатак а 16.00 гадз.
Шчыра запрашаем!
Тэлефон для даведак: 8 635 99979. Чытаць далей «Запрашаем на Купалле!»