29 чэрвеня 2024 года Беларускі клуб “Сябрына” запрашае на Купалле.
Збор а 16:00 гадзіне на другім пляжы ў Валакампяй.
29 чэрвеня 2024 года Беларускі клуб “Сябрына” запрашае на Купалле ў Вільні🔥
Збор а 16 гадзіне на другім пляжы ў Валакампяй (goo.gl/maps/RsqyADaVp4XxL8MEA).
Сёлета вас чакаюць:
🌿выступы гуртоў і калектываў “Беларускі Цуд” (fb.com/belarusmiracle), “Гоман” (fb.com/homanbel), “Ойра” (fb.com/oira.dance)
🌿пляценне вянкоў,
🌿пошукі папараць-кветкі,
🌿беларускія народныя танцы
🌿 купальскі крупнік
🌿распальванне вогнішча старадаўнім спосабам
Традыцыя святкавання беларусамі Вільнюса Купальскага свята на беразе Віліі (Нярыс), якая працякае праз наш горад, была заснавана Беларускім музычна-драматычным гуртком яшчэ ў 1911 годзе, то бок 112 гадоў таму.
Паводле Янкі Купалы і Змітрака Бядулі, якія былі непасрэднымі ўдзельнікамі гэтага свята, “Уся Вілія ад Антокаля да Закрэтнага лесу была ў агнях… Па рацэ, акружанай з абодвух берагоў дзесяткамі тысяч людзей, плылі параходы, баркі і лодкі, прыбраныя зеленню, светачамі і разнаколернымі ліхтарэнькамі. Над імі ўзвіваліся ўгару іскраўкі (феерверкі), іскрыліся бенгальскія агні…”.
Пачынаючы з 2013 года, то бок цягам апошніх дзесяці гадоў, Беларускі клуб “Сябрына” ў Вільні спрабуе, калі з большым, калі з меншым поспехам, адрадзіць гэтую прыгожую традыцыю, і шчыра запрашае спрычыніцца да яе адраджэння і Вас!
PS: 27 красавіка а 18.30 запрашаем шаноўнае спадарства далучыцца да pre-party (https://t.me/kropkasuvenir/36) Купалля ў этнакраме “Kropka”!
Далучайцеся!
Шчыра запрашаем!
Рада “Сябрыны”
Урывак з запісу “Заключнага канцэрта VII фестывалю “Muzika Jašiūnų dvare”
Прапануем вашай увазе праслухаць уступ да заключнага канцэрта VII фестывалю „MUZIKA JAŠIŪNŲ DVARE“, падчас якога, у ліку іншых, была згадана і “Сябрына”, і першы твор, які прагучаў адразу ж за ўступам.
Аўтар запісу – рэдактар і вядучы радыёперадачы “Тутэйшы час”, член Беларускага клуба “Сябрына” ў Вільні АНДРУСЬ СТАРАВОЙТАЎ.
Чытаць далей «Урывак з запісу “Заключнага канцэрта VII фестывалю “Muzika Jašiūnų dvare”»
21 сакавіка віленскія беларусы ўзгадвалі Францішака Багушэвіча
У нядзелю – 21 сакавіка 2021 года – споўніўся роўна 181 год, як у фальварку Свіраны Віленскай губерні, у сям’і выхадцаў з дробнай шляхты Казіміра і Канстанцыі Багушэвічаў нарадзіўся і ў той жа дзень быў ахрышчаны ў рымска-каталіцкім касцёле ў Рукойнях будучы ўдзельнік паўстання 1863-1864 гг., абаронца пакрыўджаных і бяздольных, адвакат, грамадскі дзеяч, паэт, празаік, публіцыст і перакладчык, адзін з пачынальнікаў новай беларускай літаратуры Францішак-Бенядзікт Багушэвіч (ён жа “Мацей Бурачок” і “Сымон Рэўка з-пад Барысава”). Чытаць далей «21 сакавіка віленскія беларусы ўзгадвалі Францішака Багушэвіча»
Купалле-2020
27 чэрвеня віленскі клуб “Сябрына” святкаваў Купалле.
Манахромная Вільня
Вэрнісаж сталічнага мастака Зьміцера Яфрэменкава пад назоваю “Старая Вільня” прайшоў напачатку чэрвеня ў Віленскім Доме нацыянальных суполак. Чытаць далей «Манахромная Вільня»
Скарынаўскія чытанні-2017 у Вільні
У лістападзе ў Вільні праходзілі Скарынаўскія чытанні “Кніжная традыцыя Вялікага Княства Літоўскага”, прысвечаныя 500-годдзю выдадзенай ў 1517 годзе ў Празе першай друкаванай кнігі нацаркоўнаславянскай мове, набліжанай да тагачаснай жывой русінскай (старой беларускай) мовы. Чытанні сабралі тых, хто цікавіцца супольнай гісторыяй Літвы і Беларусі, гісторыяй кнігі, кніжнай традыцыяй Вялікага Княства Літоўскага і беларускага кнігадрукавання ў прыватнасці. Чытаць далей «Скарынаўскія чытанні-2017 у Вільні»
Купалле – 2017
Дэгустацыя беларускай кухні “Веліч смаку!”
Дэгустацыі беларускай кухні “Веліч смаку!”, першая спроба арганізаваць якую адбылася сёлета 27 красавіка пад дахам Дома нацыянальных згуртаванняў.
Каляды-2016
Скарынаўскія чытанні ў Вільні
18-19 лістапада 2016 г. Беларускі клуб «Сябрына», Інстытут літоўскай мовы і Асацыяцыя беларусістаў Літвы разам з пасольствам Рэспублікі Беларусь у Літоўскай Рэспубліцы і Віленскім гарадскім самаўпраўленнем правялі Скарынаўскія чытанні «Кніжная традыцыя Вялікага Княства Літоўскага», прысвечаныя 525-годдзю беларускага першадрукара і заснавальніка першай у Вялікім Княстве Літоўскім друкарні Францыска Скарыны і 500-годдзю першай выдадзенай ім у Празе друкаванай кніжкі на старой усходнеславянскай (старой беларускай) мове. Чытаць далей «Скарынаўскія чытанні ў Вільні»