Апублікаваць

Беларускі клуб “Сябрына” запрашае адзначыць Калядкі падчас зімовага сонцастаяння!

Каляды, вядома, традыцыйна доўжацца ў беларусаў не адзін тыдзень! То ў суботу, 21 снежня, Беларускі клуб “Сябрына” запрашае адзначыць Калядкі падчас зімовага сонцастаяння!

Спадарства, якое пажадае далучыцца да святкаў-калядкаў, зможа атрымаць асалоду ад гурта калядоўшчыкаў, пазнаёміцца з вучоным (!) мядзведзем 🐻 (а, мабыць, і не з адным😉), паслухаць чароўныя гукі дуды і дыятанічных цымбалаў, атрымаць натхненне ад юных выканаўцаў, а таксама паслухаць сапраўдныя харавыя варыянты калядных песень на некалькіх мовах!

❄️ Выступы гуртоў і калектываў “Беларускі Цуд”, “Гоман”, “Світанак”, “Пацеркі”, “Валошкі”, “Ойра”.

⏰ Пачатак а 12:00.
💶 Уваход: бескаштоўны
📍Адрас: Raugyklos, 25

Шчыра запрашаем адзначыць зімовае сонцастаенне разам з намі!

Апублікаваць

“Сябрына” запрашае на Купалле 29 чэрвеня!

29 чэрвеня 2024 года Беларускі клуб “Сябрына” запрашае на Купалле.

Збор а 16:00 гадзіне на другім пляжы ў Валакампяй.

29 чэрвеня 2024 года Беларускі клуб “Сябрына” запрашае на Купалле ў Вільні🔥

Збор а 16 гадзіне на другім пляжы ў Валакампяй (goo.gl/maps/RsqyADaVp4XxL8MEA).

Сёлета вас чакаюць:

🌿выступы гуртоў і калектываў “Беларускі Цуд” (fb.com/belarusmiracle), “Гоман” (fb.com/homanbel), “Ойра” (fb.com/oira.dance)
🌿пляценне вянкоў,
🌿пошукі папараць-кветкі,
🌿беларускія народныя танцы
🌿 купальскі крупнік
🌿распальванне вогнішча старадаўнім спосабам

Традыцыя святкавання беларусамі Вільнюса Купальскага свята на беразе Віліі (Нярыс), якая працякае праз наш горад, была заснавана Беларускім музычна-драматычным гуртком яшчэ ў 1911 годзе, то бок 112 гадоў таму.

Паводле Янкі Купалы і Змітрака Бядулі, якія былі непасрэднымі ўдзельнікамі гэтага свята, “Уся Вілія ад Антокаля да Закрэтнага лесу была ў агнях… Па рацэ, акружанай з абодвух берагоў дзесяткамі тысяч людзей, плылі параходы, баркі і лодкі, прыбраныя зеленню, светачамі і разнаколернымі ліхтарэнькамі. Над імі ўзвіваліся ўгару іскраўкі (феерверкі), іскрыліся бенгальскія агні…”.

Пачынаючы з 2013 года, то бок цягам апошніх дзесяці гадоў, Беларускі клуб “Сябрына” ў Вільні спрабуе, калі з большым, калі з меншым поспехам, адрадзіць гэтую прыгожую традыцыю, і шчыра запрашае спрычыніцца да яе адраджэння і Вас!

PS: 27 красавіка а 18.30 запрашаем шаноўнае спадарства далучыцца да pre-party (https://t.me/kropkasuvenir/36) Купалля ў этнакраме “Kropka”!


Далучайцеся!

Шчыра запрашаем!

Рада “Сябрыны”
Апублікаваць

Свята мёду і раслін “Медуніца”

У суботу – 26 жніўня – пад дахам Дома нацыянальных об’яднанняў адбудзецца Свята мёду і раслін “Медуніца” (Зельная/Мядовы, Яблычны і Арэхавы Спасы), пад час якога можна будзе не толькі пачаставацца, але й набыць добрага высокаякаснага мёду, выпіць кубачак настоенай на зёлках гарбаты, пачуць шмат цікавага і карыснага.

Пачатак а 15:00.

Шчыра запрашаем!

Апублікаваць

Урывак з запісу “Заключнага канцэрта VII фестывалю “Muzika Jašiūnų dvare”

Прапануем вашай увазе праслухаць уступ да заключнага канцэрта VII фестывалю „MUZIKA JAŠIŪNŲ DVARE“, падчас якога, у ліку іншых, была згадана і “Сябрына”, і першы твор, які прагучаў адразу ж за ўступам.

Аўтар запісу – рэдактар і вядучы радыёперадачы “Тутэйшы час”, член Беларускага клуба “Сябрына” ў Вільні АНДРУСЬ СТАРАВОЙТАЎ.

Чытаць далей «Урывак з запісу “Заключнага канцэрта VII фестывалю “Muzika Jašiūnų dvare”»

Апублікаваць

Вечар беларускай паэзіі, прысвечаны Дню Незалежнасці Беларусі

25 Сакавіка ў Доме сігнатараў Літвы (Pilies g. 26, Vilnius) адбудзецца Вечар беларускай паэзіі, прысвечаны Дню Незалежнасці Беларусі – Дню Волі.

Пачатак а 18:00.

Больш інфармацыі чытайце тут.

Апублікаваць

Прэзентацыя кніжкі Ванды Марцінш душ Рэйш “Мора Мары”

Да ведама наведвальнікаў нашае старонкі паведамляем, што ў суботу – 11 верасня 2021 г.  а 14:00 – у Доме нацыянальных аб’яднанняў (вул. Раўгіклас, 25, ІІ паверх) адбудзецца прэзентацыя кніжкі беларускай паэтэсы Літвы Ванды Марцінш душ Рэйш “Мора Мары”, падчас якой вершы прагучаць не толькі па-беларуску, але і ў перакладзе іх на літоўскую і польскую мовы (перакладчыкі і выканаўцы сваіх перакладаў Альма Лапінскене і Аляксандар Снежка).

Вершы, якія прагучаць падчас прэзентацыі, тэматычна звязаны з Літвой і яе сталіцай Вільняй.

Чытаць далей «Прэзентацыя кніжкі Ванды Марцінш душ Рэйш “Мора Мары”»

Апублікаваць

Майстар-клас “Сакрэты прыгожай выпечкі ад Кастуся Ларкова”

Да ўвагі наведвальнікаў нашае старонкі паведамляем, што ў суботу – 14 жніўня 2021 года – у Святліцы Дома нацыянальных аб’яднанняў (Raugyklos g. 25, I aukštas) мае адбыцца майстар-клас “Сакрэты прыгожай выпечкі ад Кастуся Ларкова”. Чытаць далей «Майстар-клас “Сакрэты прыгожай выпечкі ад Кастуся Ларкова”»