Да ведама наведвальнікаў нашае старонкі паведамляем, што ў суботу – 11 верасня 2021 г. а 14:00 – у Доме нацыянальных аб’яднанняў (вул. Раўгіклас, 25, ІІ паверх) адбудзецца прэзентацыя кніжкі беларускай паэтэсы Літвы Ванды Марцінш душ Рэйш “Мора Мары”, падчас якой вершы прагучаць не толькі па-беларуску, але і ў перакладзе іх на літоўскую і польскую мовы (перакладчыкі і выканаўцы сваіх перакладаў Альма Лапінскене і Аляксандар Снежка).
Вершы, якія прагучаць падчас прэзентацыі, тэматычна звязаны з Літвой і яе сталіцай Вільняй.
Шчыра запрашаем!
Арганізатары:
Беларускі клуб “Сябрына”
і Дом нацыянальных аб’яднанняў